Musafir sad poetry in urdu

Join us on a journey through the soulful world of Musafir sad poetry in urdu, where words capture the essence of life’s travels and experiences. These poems explore the ups and downs of life, love, and longing, resonating with the wanderer in all of us.You should read another fantastic poetry.

سفر کا شوق نہ منزل کی جستجو باقی
مسافروں کے بدن میں نہیں لہو باقی

مسافروں کی تواضع سے نام ہوتا ہے
کرم کرو کہ غریب الدیار ہم بھی ہیں

musafir sad poetry in urdu

ہر مسافر سے راستوں نے کہا
ظلمتوں میں سحر نہیں باقی

کہیں تو آ کے رکے بھی مسافری میری
کہ مجھ کو ڈھونڈھتی رہتی ہے بے گھری میری

کل تک تھے مطمئن کہ مسافر ہیں رات کے
اب روشنی ملی ہے تو بینائی چاہے

گاؤں میں ناؤ تھی کاغذ کی سفر آساں تھا
اک مسافر ہوں یہاں راہ دکھاتے جاؤ

کدھر کا تھا کدھر کا ہو گیا ہوں
مسافر کس سفر کا ہو گیا ہوں

کون پوچھے اک مسافر کو جہاں
کارواں کے کارواں ہی کھو گئے

چنے تنکے بہت میں نے بنایا آشیاں اپنا
ازل سے اک مسافر ہوں مجھے اس کا گماں بھی تھا

خوش ہیں تو پھر مسافر دنیا نہیں ہیں آپ
اس دشت میں بس آبلہ پائی ہے روئیے

مسافرت میں شب وغا تک پہنچ گئے ہیں
یہ لوگ اپنی ابد سرا تک پہنچ گئے ہیں

غبار در بدری جس نے کر دیا مجھ کو
مسافروں کو اسی دھوپ نے کھجور کیا

صدائے ذات کے اونچے حصار میں گم ہے
وہ خامشی کا مسافر پکار میں گم ہے

عجیب خلق سے اک اجنبی مسافر نے
ہمیں خلاف توقع بلا کے مار دیا

میں وہ مسافر روشن خیال ہوں یارو
جو راستے میں بھی آرام لیتے رہتے ہیں

کام تیرا ہے گھنی چھاؤں میں کیا
تو مسافر ہے تجھے چلنا ہے چل

جو نفس تھا وہ رہا گرم سفر
کب مسافر کو ٹھہرنا آیا

کس کو آواز دے مسافر غم
بے جہت ہے سفر کا سناٹا

musafir poetry in urdu sms

مسافران وفا کی کوئی خبر نہ ملی
نہ جانے کون کدھر کو گیا ہے رستے میں

کبھی رستے یہ ہم سے پوچھتے ہیں
مسافر ہو رہے ہیں در بدر کیا

سرائے دہر میں ٹھہرا ہوا مسافر ہوں
عجیب بے سر و ساماں دکھائی دیتا ہے

یہ کیسی دھول سی راہوں میں اڑتی پھرتی ہے
تو اے مسافر جاں کیا بچا نہیں کچھ بھی

نپٹ یہ ماجرا یارو کڑا ہے
مسافر دشمنوں میں آ پڑا ہے

ہم سفر بھی ہیں رہ گزر بھی ہے
یہ مسافر ہی کو بہ کو ہے ابھی

اب ڈھونڈنے چلے ہو مسافر کو دوستو
حد نگاہ تک نہ رہا جب غبار بھی

musafir poetry in urdu text

سر صحرا مسافر کو ستارہ یاد رہتا ہے
میں چلتا ہوں مجھے چہرہ تمہارا یاد رہتا ہے

میں تو اک مستقل مسافر ہوں
تو بھلا میرا ہم سفر کیوں ہے

تھکے ہارے مسافر سو گئے ہیں
فقط قطبی ستارا جاگتا ہے

مسافروں کو وہ راہیں دکھائے گا افضلؔ
چراغ رکھ دو سر رہ گزر اندھیرے میں

شمع بھی بجھ جائے گی پروانہ بھی جل جائے گا
رات کے دونوں مسافر ہیں شجر دیکھے گا کون

افضلؔ یہ تیرگی کے مسافر کہاں چلے
جی چاہتا ہے ان پہ کئی چاند ماریے

ہر مسافر ترے کوچے کو چلا
اس طرف چھاؤں گھنی ہو جیسے

یار نے لوٹ لیا مجھ وطن آوارہ کو
لوگ غربت میں مسافر کی خبر لیتے ہیں

مطمئن ہوں رہ عصیاں میں تری رحمت سے
وہ مسافر ہوں کہ تشویش سفر کچھ بھی نہیں

یہ ہم نے کیسا سفر کیا ہے مسافروں کو رلا دیا ہے
اجل نے آغوش میں لیا ہے خبر بھی ہم کو نہیں سفر کی

دیا کرتے ہو تم جس طرح سے بل زلف پیچاں کو
مسافر کے لیے یوں پھانسیاں رہزن بناتے ہیں

کتنے سادہ ہیں یہ کشتی کے مسافر جن کو
ناخداؤں کی خدائی پہ یقیں ہوتا ہے

ہم سفر چاہیئے ہجوم نہیں
اک مسافر بھی قافلہ ہے مجھے

ہم دوہری اذیت کے گرفتار مسافر
پاؤں بھی ہیں شل شوق سفر بھی نہیں جاتا

ہوئی ہے شام تو آنکھوں میں بس گیا پھر تو
کہاں گیا ہے مرے شہر کے مسافر تو

میں کہ صحرائے محبت کا مسافر تھا فرازؔ
ایک جھونکا تھا کہ خوشبو کے سفر پر نکلا

شہر جاناں سے پرے بھی کئی دنیائیں ہیں
ہے کوئی ایسا مسافر جو ادھر بھی جائے

اکیلے پار اتر کر یہ ناخدا نے کہا
مسافرو یہی قسمت شکستہ ناؤ کی تھی

خضر ہے بحری مسافر کا منار روشنی
ہے جہازوں کے لیے رہبر دھواں بتی چراغ

اک مسافر کی طرح دور سے آیا ہوا میں
اب کہاں جاؤں ترے در سے اٹھایا ہوا میں

عجب سفر تھا عجب تر مسافرت میری
زمیں شروع ہوئی اور میں تمام ہوا

سفر نیا تھا نہ کوئی نیا مسافر تھا
وہی طلب تھی وہی آشنا مسافر تھا

دیار درد کی پر ہول رہ گزاروں میں
ترا خیال کوئی دوسرا مسافر تھا

جو دیکھتا ہوں تو دیوار آئنہ کے ادھر
مری ہی شکل کا اک بے نوا مسافر تھا

نظر ملی تھی گھڑی بھر کو پھر ملا نہ کبھی
نہ جانے کون تھا کس دیس کا مسافر تھا

نظر ملی تھی گھڑی بھر کو پھر ملا نہ کبھی
نہ جانے کون تھا کس دیس کا مسافر تھا

میں شب کے مسافروں کی خاطر
مشعل نہ ملے تو گھر جلاؤں

مسافر ہی مسافر ہر طرف ہیں
مگر ہر شخص تنہا جا رہا ہے

وہ جن درختوں کی چھاؤں میں سے مسافروں کو اٹھا دیا تھا
انہیں درختوں پہ اگلے موسم جو پھل نہ اترے تو لوگ سمجھے

مری بقا کا راز ہے مسافرت مسافرت
سو نقش پا بغیر میرے ساز و رخت میں نہیں

جسم کے بیاباں میں درد کی دعا مانگیں
پھر کسی مسافر سے روشنی ذرا مانگیں

فانی دنیا کے اس مسافر نے
وہ بھی کھویا ہے جو نہیں پایا

میں مکیں ہوں نہ مکاں شہر محبت کا ظفرؔ
دل مسافر نہ کسی غیر کے گھر جائے گا

ذرا سکون بھی صحرا کے پیار نے نہ دیا
مسافروں کو ہوا نے پکارنے نہ دیا

ہر سمت سیہ گرد کی چادر سی تنی ہے
سورج کے مسافر بھی ادھر آئیں تو مر جائیں